Anim na research papers, tampok sa Research Division In-House Review ng DA-4A

Anim na Research Papers ang i-prinesenta at inilaban sa idinaos na FY 2026 Research Division In-House Review ng Department of Agriculture IV- CALABARZON (DA-4A) Research Division noong ika- 24 ng Hunyo sa Argosino Hall, LARES Compound Brgy. Marawoy, Lipa City Batangas.

Tinanghal na kampeon para sa Best Paper ang Sustainable Community-based Action R4DE for Livelihood Enhancement, Upliftment, and Prosperity (SCALE-UP) Program in 1st and 4 th Districts of Quezon Province ni Lipa Agricultural Research and Experiment Station, OIC-Chief, Dr. Dario M. Huelgas, habang nakamit para sa ika-unang pwesto ang Scaling up of yellow corn production system in Laguna and Quezon na i-pinisenta ni Science Research Specialist II, Bb. Ginalyn D. Bocaya at wagi naman sa ikalawang pwesto ang Drone4Rice: Development of Standard drone application protocols (UAV-based direct seeding and fertilizer application) for rice production systems in the Philippines – CALABARZON Region n ni Senior Science Research Specialist, G. James Cyprus L. Rodil.

Tumanggap din ng pagkilala ang iba pang lumahok sa naturang aktibidad gaya ni G. Paul Angelo P. Papina para sa kanyang research paper na pinamagatang On-Station Development of Corn Production System during Wet Season in QARES, Tiaong, Quezon, ganundin si G. Rafael E. Manalo para sa Outscaling of Corn-based Farming System (Corn-Corn+Soybean+Vegetables) in Candelaria, Quezon at si Bb. Gina R. Rosada para naman sa Assessment of Vegetable production, marketing practices and market behavior of vegetable growers in Batangas.

Ayon kay OIC-Regional Technical Director for Research, Regulations and Integrated Laboratories, Bb. Maria Ella Cecilia B. Obligado, ang naturang aktibidad ay magsisilbing panghikayat sa lahat ng mga kawani na patuloy na gampanan ang patuloy na pananaliksik na naglalayong makatulong sa mga programa at proyekto para sa mga magsasaka ng rehiyon.

Dumalo rin sa aktibidad sina Research Division OIC-Chief, Dr. Wilmer S. Faylon, kinatawan ng Agribusiness and Marketing Assistance Division (AMAD), Bb. Kristel Jane V. Lalap, High Value Crops Development Program (HVCDP) Banner Coordinator, Bb. Janice B.  Fajardo, Corn Banner Program Coordinator, Bb. Jonadeth R. Almazan, at representante mula sa Rice Banner Program, Bb. Merry Criselle Sotto.

(Glenda H. Marquez – DA IVA RAFIS)####