May 50 kababaihan mula sa Lipa City, Batangas and dumalo sa pag-aaral na tinawag na Cassava Processing and Utilization na ginanap sa Kagawaran ng Pagsasaka Rehiyon IV CALABARZON – Lipa Agricultural Research Experiment Station noong ika-27 ng Hunyo 2019 sa Barangay Marawoy ng nasabing lungsod.

Sinabi ni Cynthia DT Leycano, Sr. Science Research Specialist, na ang isang araw na pag-aaral ay naglalayon na maturuan sila sa paggawa ng mga kakanin na magmumula sa Balinghoy o Cassava para magkaroon sila ng karagdagang pagkakakitaan. Ang mga kakanin na kanilang gagawin ay ang Cassava Chips, Cassava Polvoron, Cassava Cake at Cassava Pichi-pichi.