Sa pangunguna ni Technical Committee Chairperson Redelliza Gruezo, kasama sina Agricultural Program Coordinating Officer ng Quezon Rolando Cuasay, Helario Cotoner at Ruben Perlas ng Operations Division, ay isa-isa nilang binisita sa kanilang taniman ang mga nasabing nominado upang personal na makausap at makita ang kanya-kanyang taniman.

“Pareho silang magaling at kahanga-hangang magsasaka, pero ang tinitingnan natin ngayon ay yung kayang makapasok bilang finalist ng National Gawad Saka Search” sabi ni Gruezo.

Ang personal na pagbisita sa mga nominado ng mga technical committees ng Regional Gawad Saka Search ay isa lamang sa proseso ng masusing pagpili para sa mga tatanghaling namumukod-tanging magsasaka.